USD87.45EUR96.10RUB1.06
24.kg

Ысык-Көлдө кар көчкү басып калган эки чабан куткарылды

11:12, 07 октября 2019, Бишкек - 24.kg

Ысык-Көлдө кар көчкү басып калган эки чабан куткарылды. Бул тууралуу ӨКМ билдирди.

Маалыматка караганда, Төрт-Көл айыл аймагынын Тоң ашуусунда мал-жандыктарын айдап бараткан эки чабанды кар көчкү басып калган. Көчкү астында калган 43 жана 46 жаштагы малчылар өз алдынча көчкүнүн астынан чыгып, жардам сурашкан.

Окуя болгон жерге 6 куткаруучу, тез жардам кызматы жана айыл аймагынан 7 адам тартылып, жабыркагандарды Тоң райондук ооруканага жеткиришкен.

«Учурда абалдары канааттандырарлык, бутунан жана жамбашынан жаракат алышкан. Ал эми мал-жандыктарды туугандары айылга айдап кетишкен», — деп айтылат маалыматта.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18