USD87.45EUR96.10RUB1.06
24.kg

Аида Касымалиева: Түптө окуучулар мончонун имаратында окуп жатышат

11:34, 03 октября 2019, Бишкек - 24.kg

Ысык-Көл облусуна караштуу Түп районунун Каркыра айылында 3-4-класстын окуучулары мурунку мончонун имаратында окуп жатышат. Бул тууралуу пленардык отурумда депутат Аида Касымалиева билдирди.

Анын айтымында, мончо 1978-жылы курулган. Бирок, бүгүнкү күндө ал мектепке айланган. «Каркырада башка имарат жок», -деди ал.

«Жакын жайгашкан мектептерге барып келүү алыстык кылат. Балдар мурунку мончодо окуганга мажбур. Аталган мончонун дагы бир бөлмөсүндө айылдын фельдшери бейтаптарды кабыл алат», -деп кошумчалады депутат.

Эске салсак, жаңы окуу жылынын башталышында Нарын облустук администрациясынын аткаминерлери контейнердин фонунда түшкөн сүрөтү социалдык тармактарга жарыяланган. Сүрөттүн алдында Кеңеш айылынын окуучулары ушул мектепте убактылуу окуй турганы жазылган. Бул окуя коомчулук тарабынан кызуу талкууга алынган болчу. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18