USD87.45EUR96.10RUB1.06
24.kg

Чүй ОИИББнын башчысы Самат Курманкулов өзүнө келди

16:13, 02 октября 2019, Бишкек - 24.kg

Чүй ОИИББнын башчысы Самат Курманкулов өзүнө келди. Бул тууралуу ИИМдин медицина кызматынын башчысы Нурдин Метеров Кой-Таш окуясын иликтөө боюнча мамлекеттик комиссиянын отурумунда билдирди.

Буга чейин Самат Курманкуловдун абалы акырындык менен жакшы болгондугу, ал сүйлөй албаса дагы баардык кыймылдарга реакция берип жаткандыгы тууралуу маалымат тараган.

Нурдин Метеровдун айтымында, Самат Курманкуловдун колдору жана буттары өз алдынча кыймылга келе баштады. «Реакция бар, мен кечээ аны менен сүйлөштүм. Самат Курманкулов сүйлөй алат, бирок толугу менен калыбына келе элек», -деди ал.

Эскерте кетсек, мурунку президент Алмазбек Атамбаевди кармоо иш-чарасында Атамбаевдин тарапташтары менен күч органдары ортосунда кагылышуу болуп, Самат Курманкулов жаракат алган. Дарыгерлер анын өмүрү үчүн күрөшүп, болгон аракетин жумшашкан. Аны Москвага дарылануу үчүн алып кетишкен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18