USD87.45EUR96.10RUB1.06
24.kg

Кыргызстан менен Камерун жана Мозамбиктин ортосунда дипломатиялык мамиле түзүлдү

10:10, 30 сентября 2019, Бишкек - 24.kg

Кыргызстан менен Камерун жана Мозамбик Республикаларынын ортосунда дипломатиялык мамиле түзүлдү. Бул тууралуу ТИМ билдирди.

Нью-Йорк шаарында Тышкы иштер министри Чыңгыз Айдарбековдун Камерун Республикасынын Тышкы иштер министри Мбелла-Мбелла, ошондой эле Мозамбик Республикасынын Тышкы иштер жана кызматташуу министри Жозе Кондугуа Пашеку менен өз өзүнчө эки тараптуу жолугушуулары болуп өттү.

Кыргыз Республикасы менен Камерун Республикасынын ортосунда, ошондой эле Кыргыз Республикасы менен Мозамбик Республикасынын ортосунда дипломатиялык мамилелерди түзүү жөнүндө Биргелешкен Коммюникелерге кол коюлду.

Биргелешкен Коммюникенин текстинде тараптар БУУнун Уставынын жана эл аралык укуктун, тактап айтканда, эл аралык тынчтыкты жана коопсуздукту, мамлекеттер ортосундагы теңдикти урматтоо жана бекемдөө, мамлекеттердин улуттук эгемендигин жана аймактык бүтүндүгүн, көз карансыздыгын тийиштүү түрдө урматтоо, эл аралык келишимдерди сактоо, мамлекеттин ички иштерине кийгилишпөө принциптерин жана максаттарын жетекчиликке алып, дипломатиялык мамилелерди түзүштү деп белгиленет.

Кол коюу аземинен кийин тараптар мамлекеттер ортосунда, анын ичинде эл аралык уюмдардын алкагында достук мамилелерди жана кызматташууну өнүктүрүүгө даярдыгын билдиришти.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18