USD87.45EUR96.10RUB1.06
24.kg

Бишкекте кен казып алуучу компанияларга каршы митинг өтүп жатат

10:55, 25 сентября 2019, Бишкек - 24.kg

Бишкекте Жогорку Кеңештин имаратынын алдында курчап турган айлана-чөйрөнү булгоого каршы акция өтүп жатат. 

Митингдин уюштуруучусу Элери Битикчинин айтымында, нааразычылык акцияга чыгууга «Кумтөр» алтын кенин иштетүүчү компаниянын пайдасына Ысык-Көлдөгү Сарычат-Эрташ коругунун берилиши себеп болду.

««Барсбек» демилгечи топ кен иштетүүчү компанияларды сотко берүү ниетинде. Алардын арасында «Кумтөр», «Солтон-Сары» жана башка компаниялар бар», -деди Элери Битикчи.

Эске салсак, буга чейин социалдык тармактарда өкмөт жаңы келишим боюнча Сарычат-Эрташ коругундагы 16 миң гектар жер аянтын алтын казуу үчүн «Кумтөргө» берген деген маалымат тараган. Бирок, «Кыргызалтын» ААКнын төрагасы Алмаз Алимбеков маалыматты четке каккан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18