USD87.45EUR96.10RUB1.06
24.kg

Чек ара жаңжалы. Тажик тарап курулуш иштерин токтотту

08:40, 18 сентября 2019, Бишкек - 24.kg

Тажикистан Лейлек районундагы кыргыз-тажик чек арасындагы такталбаган аймакта курулуш иштерин токтотту. Маалыматты 24.kg агенттигине депутат Таабылды Тиллаев тастыктады. Ал Баткенде жүрөт.

Айтымында, абал курч бойдон калууда. Эл нааразы болуп, бийликтен чек ара маселесин чечип берүүнү талап кылууда. «Биз тургундар менен жолугуп жатабыз. Алар эмне себептен ушундай окуя болуп кетти деп түшүнбөй жатышат. Бирок, митингге чыккандар жок», -деди депутат.

Эске салсак, 16-ноябрда Максат айылында ок атышуу болгон. Анда кыргыз тараптан 1 аскер кызматкери каза таап, 13 киши жаракат алышкан. Алардын арасында өспүрүм дагы бар. Тажикстандын бийлиги 12 тажик жараны жабыркап, 3 киши каза болгонун айтышууда.

Кечээ Кыргызстандын ТИМи Тажикстандын Кыргызстандагы элчисине нааразычылык нота билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18