USD87.45EUR96.10RUB1.06
24.kg

Өзбекстан Кытай жарандарына визасыз режим киргизди

14:28, 13 сентября 2019, Бишкек - 24.kg

12-сентябрда Өзбекстан президенти Шавкат Мирзиёев Кытай жарандарына, анын ичинде Гонконг административдик району үчүн визасыз режим киргизүү жөнүндө жарлыкка кол койду. Бул тууралуу өлкөнүн Юстиция министрлиги билдирди.

Жарлыкка ылайык, 2020-жылдын 1-январынан тарта Өзбекстан эл аралык аэрпорттору аркылуу өткөн Кытай жана Гонконг жарандары бул өлкөдө 7 күнгө чейин визасыз жүрө алышат.

Өзбекстан Борбор Азия өлкөлөрүнүн ичинен биринчи болуп 1,5 миллиард калкы бар Кытай үчүн кыска мөөнөттүү визасыз режим киргизди.

Быйыл Казакстан үчүнчү өлкөлөргө Казакстандын улуттук авиакомпанияларынын учактары менен Нур-Султан жана Алматы аэропорту аркылуу учкан кытай жарандарына 72 саатка визасыз транзит киргизген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18