USD87.45EUR96.10RUB1.06
24.kg

Ак-Сууда жөө адамды унаасы менен өлтүрө сүзгөн айдоочу 8 күндөн кийин кармалды

09:33, 10 сентября 2019, Бишкек - 24.kg

Ысык-Көл облусуна караштуу Ак-Суу районунда жөө адамды унаасы менен өлтүрө сүзүп кеткен айдоочу 8 күндөн кийин кармалды. Бул тууралуу ОИИББдан билдиришти.

Кырсык 31-августта Каракол—Эңилчек унаа жолунда болгон. Теплоключенка айылынын 1990-жылы туулган тургуну жолдон өтүп бара жатканда унаа коюп кеткен. Айдоочу окуя болгон жерден изин жашырган. Жабырлануучу Ак-Суу райондук ооруканасынын жандандыруу бөлүмүндө көз жумган.

Аталган окуяга шектүү делип Ак-Суу районунун 1989-жылы туулган тургуну кармалды. Ал күнөөнү мойнуна алып, жүк ташуучу «Мерседес-Бенц» унаасы менен жөө адамды койдуруп кеткенин айтты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18