USD87.45EUR96.10RUB1.06
24.kg

Кожобек Рыспаев «Кыргызалтындын» жетекчисин кызматтан бошотууну талап кылды

16:20, 03 сентября 2019, Бишкек - 24.kg

«Кыргызалтындын» башчысы Алмазбек Алимбеков Отун-энергетикалык комплекс жана жер казынасын пайдалануу боюнча комитетинин отурумуна келген жок.

Бүгүн комитет Нарын облусундагы Солтон-Сары алтын кенинин айланасындагы абалды карап жатат. Комитеттин кызматкерлеринин айтымында, Алмазбек Алимбеков Солтон-Сары маселеси ага тиешелүү эместей мамиле жасады.

«Эмне үчүн өкмөт Алмазбек Алимбековду эркелетип жатат, түшүнбөй турам? Комитеттин аны кызматтан бошотуу тууралуу чечими бар. Башкы прокуратура текшерүү иштерин жүргүзүүдө. Алмазбек Алимбеков бул жылдар аралыгында эч нерсе жасаган жок. Кытайлык компаниянын жардамы менен араң «Макмалдагы» ишти баштады», -деди депутат Кожобек Рыспаев.

Биринчи вице-премьер-министр Кубатбек Боронов «Кыргызалтындын» жетекчисинин ишмердүүлүгүн 17-сентябрда талкуулоону сунуш кылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18