USD87.45EUR96.10RUB1.06
24.kg

Өмүрбек Текебаев менен Дүйшөнкул Чотонов бошотулду

16:48, 29 августа 2019, Бишкек - 24.kg

«Ата-Мекен» партиясынын лидери Өмүрбек Текебаев менен Дүйшөнкул Чотонов бошотулду. Бүгүн Биринчи май райондук сотунда саясатчылардын баш коргоо чарасы каралып, алар үй камагына чыгарылды.

Эскерте кетсек, Жогорку сот 21-августта Өмүрбек Текебаев менен Дүйшөнкүл Чотонов боюнча соттун өкүмүн жокко чыгарып, ишти кайра кароо үчүн Биринчи май райондук сотуна жөнөткөн.

Өмүрбек Текебаев тарапташтарын колдоосуна ыраазычылык билдирип, мыйзамсыз, жалган жалаа менен соттолгондордун баардыгынын иши кайра каралышы керектигин белгиледи.

«Соттун имараты өзгөрүптүр, сыртты эмес ичи да, соттордун ыйманы да өзгөрүшү керек», — деди ал.

Өмүрбек Текебаев партиянын штабында жолугушуу өткөрүүгө жөнөп кетти. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18