USD87.45EUR96.10RUB1.06
24.kg

Курсан Асановдун уулу издөөгө алынды

09:58, 29 августа 2019, Бишкек - 24.kg

Ички иштер министринин мурунку орун басары Курсан Асановдун уулу издөөгө алынды. Бул тууралуу Башкы прокуратурадан билдиришти.

Маалыматка караганда, 22 жаштагы Мухаммед-Али Асановго сыртынан үй камагына алуу тууралуу бөгөт чарасы тандалды. Ал кызмат абалынан пайдалангандарга катыштыгы бар делип шектелүүдө.

«8-августта Курсан Асанов кылмыш иши боюнча мааниси бар делген тастыктоочу буюмдарды, документтерди мыйзамсыз берүүнү уюштурган. Ал мунун баарын Алмазбек Атамбаевдин үйүнөн алып чыккан. Курсан Асановдун айдоочусу Пайзылда уулу Дамирбек 8-августта саат 21:00 менен 21:15 ортосунда ТИМдин имаратынын алдынан Курсан Асановдун көрсөтмөсү менен жогорудагы буюмдарды Мухаммед-Али Асановго берген. Кийин документтерди Алмазбек Атамбаевдин тарапташтарына беришкен. Кылмышка катыштыгы бар жарандардын өздүгү такталууда», -деп билдиришти Башкы прокуратурадан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18