USD87.45EUR96.10RUB1.06
24.kg

Кытайлык инвесторлорду кытай күзөт агенттиктери коргойт деген маалымат жалган

16:19, 26 августа 2019, Бишкек - 24.kg

Маалыматтык сайттардын биринде, ошондой эле социалдык тармактарда чыгып жаткан Кытай жарандары болгон инвесторлордун укуктарын коргоо үчүн кытай күзөт агенттиктерин тартуу мүмкүндүгү тууралуу маалыматтар чындыкка дал келбейт. Бул тууралуу өкмөттүн аппаратынан билдиришти. 

«Өкмөт ак ниет иштеген, өлкөгө жана жергиликтүү коомчулуктун өнүгүшүнө өз инвестицияларын салган инвесторлордун укуктарын жана кызыкчылыктарын коргоону өзүнүн башкы артыкчылыктарынын бири деп эсептейт. Учурда ИИМ курамында кендерди жана өнөр жай объекттерин коргоо боюнча адистештирилген башкармалык түзүү долбоору өкмөттүн аппаратында каралууда», -деп айтылат маалыматта.

Жалган маалыматты тараткан жактар мыйзамга ылайык жоопко тартылат. Бул факты боюнча тийиштүү мамлекеттик органдар тарабынан текшерүү башталды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18