USD87.45EUR96.10RUB1.06
24.kg

Раиса Атамбаева күйөөсү менен жолуктурууну суранды

09:16, 23 августа 2019, Бишкек - 24.kg
Мурунку президент Алмазбек Атамбаевдин жубайы Раиса Атамбаева күйөөсү менен жолуктурууну суранды. Бул тууралуу 24.kg агенттигине жактоочу Сергей Слесарев билдирди.
 
Айтымында, Раиса Атамбаева суранычын тергөөчүгө айтты, бирок жооп келе элек. «Алмазбек Атамбаев кармоо шарттарына жана ден соолугуна эч кандай нааразычылыгы жок. Ал өзүн жакшы сезүүдө», -деди жактоочу.
 

Эске салсак, мурунку президент Алмазбек Атамбаевди кармоо иш-чарасында Атамбаевдин тарапташтары менен күч органдары ортосунда кагылышуу болгон. Буга чейин Алмазбек Атамбаевдин 2013-жылы мыйзамдагы ууру Азиз Батукаевдин абактан бошоп кетишине тиешеси бар экени айтылып, милицияга үч жолу суракка чакырылган. Бирок, ал келүүдөн баш тарткан.

8-августта Атамбаевди кармоо операциясын ИИМдин атайын бөлүмчөсү колго алган. Жыйынтыгында Алмазбек Атамбаев багынып берди.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18