USD87.45EUR96.10RUB1.06
24.kg

Микрокредиттерди берүүчү уюмдар 13 миллион сомдон ашуун насыя тараткан

11:44, 22 августа 2019, Бишкек - 24.kg

Биринчи жарым жылдыктын жыйынтыгы боюнча, микрокредиттерди берүүчү уюмдар тарабынан 13 миллион сомдон ашуун насыя берилип, алуучулардын саны 295 миң адамды түздү. Бул тууралуу Улуттук статистикалык комитеттен билдиришти.

Микрокредит алган калктын саны өткөн жылдын тийиштүү мезгилине салыштырганда 33,8 пайызга, ал эми берилген микрокредиттердин көлөмү — 31,5 пайызга көбөйдү.

Микрокредиттердин эң көп суммасы Ош облусунун (берилген микрокредиттердин жалпы көлөмүнүн 20,6 пайызы), Бишкек шаарынын (19,6 пайызы), Жалал-Абад (13,9 пайызы) жана Чүй облустарынын (13,8 пайызы) алуучуларына берилген.

2019-жылдын январь-июнунда берилген микрокредиттердин жалпы көлөмүнүн 33,8 пайызы — айыл чарбадагы ишмердикти өнүктүрүүгө, 25,1 пайызы — керектөөчүлүк муктаждыктарына, 13,3 пайызы -соода жана коомдук тамактануу чөйрөсүнө багытталды.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18