USD87.45EUR96.10RUB1.06
24.kg

Капиталдык курулуш башкармалыгынын 7 кызматкери дисциплинардык жазага тартылды

15:29, 21 августа 2019, Бишкек - 24.kg

Бишкекте жер алдынан жана жер үстүнөн жөө адамдар өтө турган өтмөктөрдү оңдоп-түзөөдө акча кымырылып алынган. Бул тууралуу УКМК билдирди.

Шаардык прокуратура жүргүзгөн текшерүүнүн жыйынтыгында, 376 миң сомдук зыян келтирилгени аныкталды. Маалым болгондой, ушул жылдын 14-августунда шаардык прокуратура Жазык кодексинин «Кызмат абалынан кыянаттык менен пайдалануу» беренесинин негизинде сотко чейинки өндүрүштү баштаган.

«Өткөн жылы Чүй проспектиси жана Абдрахманов көчөсү, Манас жана Чүй проспектилеринин кесилиштериндеги, «Аламүдүн», «Мадина» базарларынын жанындагы өтмөктөрдү оңдоо боюнча өткөрүлгөн сынактар текшерүүгө алынган. Жыйынтыгында Бишкек шаарынын казынасына 376 миң сом өлчөмүндө зыян келтирилгени аныкталды. Мындан улам, мэриянын Капиталдык курулуш башкармалыгынын 7 кызматкери дисциплинардык жазага тартылган», -деп билдиришти УКМКдан.

Эске салсак, Бишкектеги өтмөктөрдү мэрия 2017-жылы толугу менен оңдоодон өткөргөн. Ага 27 миллион сом коротулган. Көп өтпөй өтмөктүн ичине жаан өтүп, кээ бир карапа такталары түшүп калганын кийин шаар тургундары жазып, ал тургай сүрөттөрүн социалдык тармактарга жүктөп чыгышкан болчу.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18