USD87.45EUR96.10RUB1.06
24.kg

Казакстанда азык-түлүк кымбаттады

13:57, 21 августа 2019, Бишкек - 24.kg

Казакстанда пияз, сабиз, картошка, күрүч жана биринчи сорттогу ундун баасы кымбаттады. Бул тууралуу Казакстандын экономика министри Руслан Даленов билдирди.

Улуттук экономика министринин маалыматы боюнча, орто эсеп менен пияз 79 пайыз, сабиз 59,3 пайыз, картошка 32,9 пайыз, күрүч 23,8 пайыз, биринчи сорттогу ун 14,3 пайызга кымбаттаган.

«Базардагы баа өндүрүүчүлөрдүн жана импорттун баасына караганда кыйла кымбат. Маселен, өндүрүүчүлөр сабизди 67 теңгеден (0,17 доллар) сатса, анын базардагы баасы 151 теңге (0,4 доллар)», -деди ал.

Соода жана интеграция министри Бакыт Султановдун айтымында, өндүрүштүн жолго коюлбаганы, ортомчулардын көптүгү, сактоо шарттарынын сакталбаганы кымбатчылыкка себеп болду.

Министр буга Россия экономикасынын таасири да тийип жатканын кошумчалады. «Евразиялык экономикалык биримдигинин орток базарындагы баа дагы таасир этүүдө. Орусияда баа өскөндүктөн, бизде да кымбатчылык болууда», -деди ал.

Өкмөт инфляция көлөмүн 4 пайыздан 6 пайызга чейин кармап туруу үчүн эл эң эле көп колдоно турган 10 азык-түлүктүн баасын көзөмөлдөп турууга убада берди. Алар — пияз, сабиз, картошка, кызылча, күрүч, ун, уй, кой, жылкы эти жана нан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18