USD87.45EUR96.10RUB1.06
24.kg

Кыргыз-Россия Өнүктүрүү фонду 4,4 миллиард сомго долбоорлорду каржылады

08:43, 21 августа 2019, Бишкек - 24.kg

2019-жылдын 7 айында Кыргыз-Россия Өнүктүрүү фонду 4,4 миллиард сомго долбоорлорду каржылады. Бул тууралуу аталган фонддун башкармалыгынын төрагасы Эркин Асрандиев билдирди.

Айтымында, 2,7 миллиард сом аймактарга каржыланды. Бул 2018-жылдын ушул эле мезгилине салыштырмалуу 2 эсе көбөйгөн.

«Аймактардын баарында жаңы баштаган ишкерлер үчүн старт-ап долбоорлорду каржылоо программасы башталды. Бул программа өзүнө окутууну дагы камтыйт, окутуу иш-чаралары облустарда бүгүнтөн башталды. Жалпысынан программа 2019-жылдын август-сентябрында ишке ашырылат», — деп айтты Эркин Асрандиев.

Ал каржылоо шарттарын жеңилдетүүнүн максатында кичи жана орто бизнестин субъектилерине пилоттук тартипте стартап-каржылоо боюнча программаларды киргизүү жана приоритеттүү багыттар боюнча сом менен берилүүчү насыялардын пайыздык чендерин 9 пайызга чейин төмөндөтүү чечими кабыл алынганын баса белгиледи. Анын айтымында, бул чара жалпысынан өлкөнүн ишкерлери үчүн насыялардын жеткиликтүүлүгүн жакшыртышы керек.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18