USD87.45EUR96.10RUB1.06
24.kg

Казакстандын борбордук бөлүгүндөгү өрт аймагы беш эсеге жайылды

13:43, 15 августа 2019, Бишкек - 24.kg

Караганды облусунун Каркаралы районундагы өрттүн аянты беш эсеге кеңейип, бир суткада 2700 гектарга жетти. Өрттөнгөн аймактын бир жарым миң гектары мамлекеттик токой коругуна кирет. Бул тууралуу Казакстан Ички иштер министрлиги кабарлады.

Ички иштер министринин орун басары Юрий Ильин 14-августта өткөн брифинг учурунда Каркаралы районунда жагдай кыйын экенин айтты. Анын билдиришинче, өрттү өчүрүүгө токой чарба комитети, жергиликтүү аткаруу органдары, ИИМ бөлүктөрү тартылды.

12-августта Каркаралы районундагы Егиндибулак айлынан 30 чакырым аралыктагы жерде куураган чөп өрттөнүп, жалын Бакты токоюн каптаган.

13-августта Каркаралы районунун акимчилиги аймакта өзгөчө кырдаал жарыялаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18