USD87.45EUR96.10RUB1.06
24.kg

Кой-Таштын тургундары шаардык ооруканаларга жардам сурап кайрылгандан коркушууда

14:34, 13 августа 2019, Бишкек - 24.kg

Кой-Таш айылынын тургундары шаардык ооруканаларга жардам сурап кайрылгандан коркушууда. Бул тууралуу 24.kg агенттигине Арашан айылынын ооруканасынын башкы дарыгери Динара Осмонкулова билдирди.

Айтымында, көпчүлүк аталган жайга келип фамилиясын атабоону суранышкан. «Биринчи жардам бергенден кийин, биз башка бөлүмдөргө багыттама берсек деле, бейтаптар ал жакка баргандан коркушууда. Алар кармап кетет деген кооптонуп жатышат», -деди дарыгер.

«Дарыгерлер көпчүлүккө жардамды көчөдөн эле көрсөтүштү. Алар үн чыгаруучу гранатадан жабыркагандар. Тизеден ылдый күйүк алгандар абдан көп болду. Алар ошол күнү эле кандайдыр бир жардам алышты, андан кийин алар ооруканага деле кайрылышкан жок», -деп кошумчалады Динара Осмонкулова.

Белгилей кетсек, Рита Карасартова Фейсбукка «Кой-Таш айылынын жашоочусу айылына кире албай жатат. Анткени тергөөчүлөр четинен кармап, жагдайды териштириш үчүн алып кетишүүдө» деп жазган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18