USD87.45EUR96.10RUB1.06
24.kg

Кыргыз-казак чек арасынан салык органынын маалымкаты жок жүктөр кармалды

17:16, 07 августа 2019, Бишкек - 24.kg

Кыргыз-казак чек арасындагы контролдук-өткөрмө пунктунан тиешелүү документи жок сыра, түтүктөр жана унаанын кошумча бөлүктөрү ташылып келинген фактынын бети ачылды. Бул тууралуу Салык кызматынан билдиришти.

Маалыматка ылайык, аталган товарларды ташып келүүгө салыктык каттоо жөнүндө салык органынын маалымкаты жок болуп чыкты.

Атап айтканда, «Чоң-Капка автожолу» контролдук-өткөрмө пунктунан 870 миң сомдон ашуун суммада 0,5 литр идиштеги 52 миң бөтөлкө сыра (Жигулевское Шымкент, Шымкентское Pilsner Классическое) алып келе жаткан 2 унаа кармалды. Ошол эле контролдук-өткөрмө пунктунан болжол менен 1,5 миллион сом суммасындагы 20,3 тонна түтүк (НКТ) ташып келинген факты аныкталды.

«Ак-Тилек автожолу» контролдук-өткөрмө пунктунан 1 миң 798 даана 240 миң сомдон ашуун суммада унаанын кошумча бөлүктөрүн алып келе жаткан унаа кармалды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18