USD87.45EUR96.10RUB1.06
24.kg

Учак кулаган Дача-СУ айылынан телефондорду алып кеткендерге иш козголду

17:20, 06 августа 2019, Бишкек - 24.kg

ӨКМнын кызматкерлери «Боинг-747» учагы кулаган Дача-СУ айылынан телефондорду алып алышкан. 22 куткаруучуга карата кылмыш иши козголду. Бул тууралуу Kaktus күч түзүмдөрүнө шилтеме берип жазды.

Маалыматка караганда, тергөө органдары ӨКМнын 100гө жакын куткаруучусун суракка алышкан.

«22 куткаруучу сурак маалында кырсыктан бир канча күн өткөндөн кийин урандыларга кайра келгендерин моюндарына алышты. Иш маалында алар Huawei үлгүсүндөгү уюлдук телефондорду таап алып кетишкен. Аппараттарды аялдарына, ата-энелерине жана башка туугандарына берип коюшкан. Алар табылган телефондор каза болгондордун жанынан алда канча алыс жакта болгондугун айтышкан», -деп билдиришти күч түзүмдөрүнөн.

Билдирүүгө ылайык, баардык шектүү делген куткаруучуларга «Кызмат абалынан кыянаттык менен пайдалануу», «Иликтөөгө тоскоолдук кылуу» беренелери боюнча айып тагылууда.

Эске салсак, 2017-жылдын 16-январында жүк ташуучу учак Дача-СУга кулап түшкөн. Анда 35 кыргызстандык жана Түркиянын 4 жараны набыт болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18