USD87.45EUR96.10RUB1.06
24.kg

Самаркандда 82 жаштагы киши 2-класстын окуучусун зордуктоого шектелүүдө

14:45, 02 августа 2019, Бишкек - 24.kg

Самарканд облусунун Кушрабад районунда 82 жаштагы киши 2-класстын окуучусун зордуктоого шектелүүдө.

Самарканд облусунун укук коргоо органдарынын кызматкеринин билдиришинче, тогуз жаштагы кыз 25-июлда аймактын тоолуу айылдарынын биринде зордукталган. Кийинчерээк кызга медициналык жардам көрсөтүлгөн. Аны зордуктоого шектелген 82 жаштагы киши кармалды, ага карата кылмыш иши козголду.

Кыздын таежеси тергөөчүлөр шектүүнү камабай, бошотуп жибергенине даттанууда.

Кушрабад райондук ички иштер бөлүмү 9 жаштагы кызды зордуктоого шектелген киши эч жакка чыкпоо тил каты менен бошотулганын тастыктады. ​"Ооба, биз аны чындап эле бошоттук. 82 жаштагы карыяны камап кое албайбыз да. Биз андан райондон чыкпоо боюнча тил кат алдык. Анын үстүнө ага маале кепил болду. Башкысы ал сотко келсе болду. Анын мындан ары бул сыяктуу шоктук кылуу ниети жок.", — деди райондук милиция кызматкери.

Зордукталган кыздын жакындарынын айтымында, учурда бул ишти жабуу үчүн шектүүнүн уулдары жабырлануучунун ата энесине кысым көрсөтүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18