USD87.45EUR96.10RUB1.06
24.kg

Таластын Май айыл өкмөтү «Эң мыкты айыл өкмөтү» аталып, 1,5 миллион сом утту

11:11, 26 июля 2019, Бишкек - 24.kg

Талас облусунун Манас районунун Май айыл өкмөтү жергиликтүү өз алдынча башкаруу органдарынын арасындагы сынакты жеңип алды. Бул тууралуу өкмөттүн маалымат кызматы билдирет.

«Эң мыкты айыл өкмөтү» сынагынын жеңүүчүлөрү эки топко бөлүнүп аныкталды. Биринчи топто мыктылыкка Манас районунун Май айыл өкмөтү татып, ал 1,5 миллион сом сыйлыкка ээ болду.

Экинчи орунду Ош облусунун Кара-Суу районунун Катта-Талдык айыл өкмөтү 1 миллион сом менен ээледи. Нарын облусунун Ат-Башы районунун Казыбек айыл өкмөтү 500 миң сом утуп, үчүнчү орунга жайгашты.

Экинчи топто 1,5 миллион сомду Жалал-Абад облусунун Ноокен районунун Достук айыл өкмөтү, 1 миллионду Баткен облусунун Кадамжай районунун Үч-Коргон айыл өкмөтү, 500 миң сомду Ысык-Көл облусунун Тоң районунун Болот Мамбетов айыл өкмөтү алды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18