USD87.45EUR96.10RUB1.06
24.kg

Депутат Абжалиевдин жол кырсыгына кабылган уулу ооруканадан чыкты

14:48, 17 июля 2019, Бишкек - 24.kg

Депутат Алиярбек Абжалиевдин жол кырсыгына кабылган уулу Темирлан Токобеков ооруканадан чыкты. Маалыматты 24.kg агенттигине Травматология жана ортопедия илим-изилдөө борборунан ырасташты.

Темирлан Токобековдун мээси чайкалып, жамбаш сөөгү сынгандыгы маалымдалган. Дарыгерлердин айтымында, ага операция жасалган жок. Бирок, негизги жардам көрсөтүлдү. Эми калыбына келүүсү керек.

7-июлда Ысык-Көлдүн Бактуу-Долонотуу айылында болгон кырсыкта төрт адам каза болгон.

Жолдо «Lexus» жана «BMW Х7» кагылышкан. «Lexus» машинасындагы айдоочу жана жүргүнчүлөрдүн баардыгы көз жумду. «BMW Х7» унаасында Жогорку Кеңештин депутаты Алиярбек Абжалиевдин уулу Темирлан Токобеков эки досу менен болгон. Айрым маалыматтар боюнча, Темирлан Токобеков арткы орунда олтуруп, рулду Элдияр Калмурзаев башкарган.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18