USD87.45EUR96.10RUB1.06
24.kg

Бишкекте аял ишкерлердин форуму өтүп жатат

14:30, 05 июля 2019, Бишкек - 24.kg

«Ала-Арча» мамлекеттик резиденциясында ишкер аялдардын улуттук форуму өтүп жатат.

«Кыргызстанда аялдардын ишкердиги: жаңы күч» деп аталган конференцияга өлкөнүн бардык аймактарынан келген ишкер айымдар катышууда.

Форумдун ачылышында сөз сүйлөгөн вице-премьер-министр Алтынай Өмүрбекова бул жер ишкерликтин бардык багытын талкуулап, дагы көп аялдарды тартуунун натыйжалуу чараларын иштеп чыгуучу аянтча болорун белгиледи.

Иш-чаранын түштөн кийинки бөлүгүнө премьер-министр Мухаммедкалый Абылгазиев катышары күтүлүүдө.

Кыргызстанда бизнеске аралашкан айымдардын катары калыңдап баратат. Бирок ошого карабай, Социалдык өнүгүү министрлигинин маалыматы боюнча, Кыргызстанда ири ишкерлик менен алектенгендердин 2 пайызы гана аялдар. Өндүрүш тармагында аялдар 22%, соодада 56% түзөт. Өзүнүн жеке ишин ачкандар 19 пайызды түзөт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18