USD87.45EUR96.10RUB1.06
24.kg

Самаркандда ит капкан тогуз жаштагы бала каза болду

08:47, 05 июля 2019, Бишкек - 24.kg

Өзбекстандын Самарканд облусундагы Равонак айылында бир ай мурда ит каап алган тогуз жаштагы бала каза болду.

Айыл тургундарынын айтымында, алгач ата-энеси баланын жараатына көңүл бурушкан эмес.

«22-июнда баланын дене табы жогорулап, кутурма белгилери менен облустук инфекциялык ооруканага жеткирилген. 3-июлда каза болуп калды», ؅— деди айыл жашоочусу.

Инфекциялык ооруканадан билдиришкендей, каза тапкан баланын анализдери Ташкенттеги илимий-изилдөө борборуна жөнөтүлдү. «Анализдин жыйынтыктары бир жумадан кийин белгилүү болот. Ага чейин эч нерсе айта албайбыз», — деди оорукана дарыгери.

Баланын өлүмүнөн кийин райондо кутурмага каршы үй жаныбарларын, анын ичинде иттер менен мышыктарды жапырт эмдөө иштери башталды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18