USD87.45EUR96.10RUB1.06
24.kg

Түркмөн эли жапырт сыртка агылууда. Чет өлкөдөгүлөрүнүн мекенине кайткысы жок

09:26, 04 июля 2019, Бишкек - 24.kg

Чет өлкөдө окуган түркмөн студенттеринин, эмгек мигранттарынын көбү өлкөсүнө кайтып келүүдөн баш тартышууда. Бул тууралуу «Азаттыктын» түркмөн кызматы кабарлайт.

Маалыматка караганда, өлкөнүн калкы четке массалык түрдө чыгып кетүүдө.

«Дашогузда жашоо чыдагыс болуп калды. Көптөгөн кишилер, атүгүл мамлекеттик кызматтарда, полицияда, акимчиликтерде иштегендер жумушун таштап кетишүүдө. Чындыгында алар башкаларга салыштырмалуу жакшы табышат. Бирок мунун баары салыштырмалуу, бул жашоо үчүн жетпейт», — деп айтылат маалыматта.

Түркмөн бийлиги миграция көйгөйүн расмий түрдө мойнуна ала элек.

​"Азаттыктын" түркмөн кызматы өз булактарына таянуу менен акыркы он жылда өлкөдөн 1 миллион 879 миң жаран чыгып кеткенин билдирди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18