USD87.45EUR96.10RUB1.06
24.kg

Мыйзамсыз түрдө күйүүчү-майлоочу май алып келе жаткан унаалар кармалды

14:15, 28 июня 2019, Бишкек - 24.kg

Талас облусуна караштуу Манас районундагы «Чоң-Капка» чек ара бекетинде мыйзамсыз түрдө күйүүчү-майлоочу май алып келе жаткан унаалар кармалды. Бул тууралуу Чек ара кызматынан билдиришти.

Маалыматка таянсак, Казакстандан келе жаткан «Мерседес» жана «MAN» үлгүсүндөгү чоң унааларды чек арачылар токтотуп, текшерүүгө алышкан. Анда техникалык документте көрсөтүлбөгөн кошумча бактар табылган.

«Бакта куюлган майдын көлөмү 800 литрден ашты. Тиешелүү документтер толтурулгандан кийин Кыргызстандын 1992-жылы туулган Э.Н., жана 1962-жылы туулган Д.А. аттуу жарандары кармалды. Алар Экономикалык кылмыштарга каршы күрөшүү боюнча кызматына өткөрүлүп берилди», -деп жазылат маалыматта.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18