USD87.45EUR96.10RUB1.06
24.kg

Бишкекте Кытайдын борбордук опера театрынын «Манас» операсы коюлат

17:10, 07 июня 2019, Бишкек - 24.kg

Бишкекте Кытай Эл Республикасынын борбордук опера театрынын «Манас» операсы коюлат. Бул тууралуу Маданият, маалымат жана туризм министрлиги билдирди. 

Кыргызстанга Кытай Эл Республикасынын төрагасы Си Цзиньпиндин мамлекеттик визитинин алкагында 11-12- июнь күндөрү А.Малдыбаев атындагы Кыргыз Улуттук академиялык опера жана балет театрында «Манас» операсы коюлат. Чыгармачылык топ Кыргызстанга 10-июнда келээри пландаштырылууда. Кыргыз сахнасында операны коюуга 200дөн ашык артист катышары күтүлүүдө.

Маалым болгондой, «Манас» эпосун операда коюу демилгеси 2015-жылы Кытай Эл Республикасынын төрагасы Си Цзиньпиндин катышуусунда өткөн маданият маселелери боюнча жыйында көтөрүлгөн. Операны сахналаштырууга эки жыл даярдык көрүлгөн.

Эске салсак, «Манас» операсы Кытайда 9 жолу коюлган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18