USD87.45EUR96.10RUB1.06
24.kg

Депутат памирлик кыргыздарга жарандык берүүгө чакырат

12:09, 30 мая 2019, Бишкек - 24.kg

Памирлик кыргыздарга жарандык берилиши керек. Бул тууралуу Жогорку Кеңештин депутаты Зиядин Жамалдинов парламенттик жыйында билдирди.

Ал Ооганстандан көчүрүлүп келген памирлик кыргыздарга жарандык берүү жана жумуш менен камсыз кылуу маселесин көтөрдү.

«Эгер памирлик кыргыздар «Кыргызстанда калабыз, жарандык алабыз» десе муну тез арада чечүү керек. Өкмөткө Ооганстан менен бул боюнча сүйлөшүүлөрдү жүргүзүү тапшырмасын берели. Аларга жер бөлүп берип, жумуш менен камсыз кылыш керек», — деди Жамалдинов.

Ооганстандан Нарынга көчүрүлүп келген памирлик кыргыздар 23-майда Бишкекте Тышкы иштер министрлигинин, Мамлекеттик миграция кызматынын жана ​Мамлекеттик каттоо кызматынын өкүлдөрү менен жолуккан. Анда алар Кыргызстандын жарандыгын алуу ниетин билдиришкен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18