USD87.45EUR96.10RUB1.06
24.kg

Кыргызстанда бир катар жаңы аба каттамдары ачылат

11:47, 30 мая 2019, Бишкек - 24.kg

Кыргызстанда бир катар жаңы аба каттамдары ачылат. Бул тууралуу Унаа жана жолдор министрлигинен билдиришти.

Маалыматка караганда, Qazaq Air авиакомпаниясы 7-июндан тарта Алматы-Ош -Алматы багытында жумасына эки жолу (жума, жекшемби күндөрү) каттай баштайт. Эске салсак, аталган авиакомпания 5-апрелден бери Алматы-Бишкек-Алматы каттамы боюнча жумасына эки ирет каттап баштаган.

Ал эми Air Arabia авиакомпаниясы 2-июлдан баштап Шарджа -Бишкек-Шарджа багытында учу баштайт. Ал жумасына 4 жолу — шейшемби, бейшемби, ишемби жана жекшемби күндөрү каттайт.

«Өзбек аба каттамдары» авиакомпаниясы 27-июндан тарта Ташкент-Тамчы-Ташкент каттамын ишке ашырат. Учактар чартердик негизде жекшемби күндөрүгана каттайт.

«Атлас Глобал» авиакомпаниясы 10-июндан тарта Анталия-Бишкек-Анталия каттамын ишке ашырмакчы.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18