USD87.45EUR96.10RUB1.06
24.kg

Жээнбеков, Лукашенко жана Путин «Назарбаев ордени» менен сыйланды

08:39, 29 мая 2019, Бишкек - 24.kg

Казакстандын президенти Касым-Жомарт Токаев 28-майда Кыргызстандын президенти Сооронбай Жээнбековду, Орусиянын президенти Владимир Путинди жана Беларус президенти Александр Лукашенкону Нурсултан Назарбаев ордени менен сыйлады.

Аларга бул орден «Евразия экономикалык интеграция идеясынын 25 жылдыгына, ошондой эле Евразия экономикалык биримдигинин түзүлгөндүгүнүн 5 жылдыгына байланыштуу жана Казакстан менен алаканы тереңдетүүгө кошкон салымы үчүн» ыйгарылды.

Аны экс-президент Нурсултан Назарбаев өзү тапшырды.

Сооронбай Жээнбеков жолугушууда Нурсултан Назарбаевдин Кыргызстан менен Казакстандын ортосундагы бир туугандык мамилелерди орнотуп, бекемдөөгө кошкон жеке салымын белгиледи. Мурдагы президент Нурсултан Назарбаев атындагы орден Казакстандын өнүгүшүнө салым кошкон адамдарга жана мамлекет башчыларга берилет.

Сооронбай Жээнбеков Казакстандагы иш сапарынын алкагында президент Касым-Жомарт Токаев менен да эки тараптуу кызматташтыкты, анын ичинде Евразиялык Экономикалык Биримдигинин алкагындагы актуалдуу маселелерин талкуулады. Жээнбеков Казакстанга Жогорку Евразиялык экономикалык кеңештин 28-29-майда Нур-Султан шаарында өтө турган мааракесине катышуу үчүн барды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18