USD87.45EUR96.10RUB1.06
24.kg

Өзбек арибинин жаңы түрү сунушталды

14:54, 22 мая 2019, Бишкек - 24.kg

Алишер Навои атындагы Ташкент мамлекеттик университетинин алдындагы жумуш тобу жаңыртылган өзбек арибинин акыркы долбоорун жарыялады. Топ латын тилине негизделген жеңилдетилген өзбек алфавитин иштеп чыгууда.

Жаңыланган арипте тилчилер 30 белги калтырууну сунушташууда: 29 тамга жана ажыратуу белгиси үчүн апостроф болот. Натыйжада латынчага негизделген алфавит Өзбекстанда 1993-жылы кабыл алынган алгачкы версиясына кайтып келет.

1995-жылы алфавиттеги диакритикалык белгилердин баары эки тамгалуу белгилер жана тескери апостроф менен алмаштырылган. Азыр бул өзгөртүү жокко чыгарылды. Тилчилер буга чейинки арип суахили жана түрк ариптеринин үлгүсүндө жасалганын, булар өзбек тилинен айырмаланып турарын белгилешүүдө.

Алфавиттин жаңы түрүндө «с» тамгасын кайтаруу сунушталууда, ал кирил арибиндеги «ц» тамгасынын ордун басат. Лингвисттер sh жана сh белгилеринин ордуна ş и ç, «o» жана «g» тамгаларынан ордуна «ó» жана «ǵ» тамгаларын колдонууну сунушташууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18