USD87.45EUR96.10RUB1.06
24.kg

Жогорку Кеңештин мурдакы депутаты Дамирбек Асылбек уулу 10 жылга соттолду

16:24, 24 апреля 2019, Бишкек - 24.kg

Жогорку Кеңештин мурдакы депутаты Дамирбек Асылбек уулу 10 жылга соттолду. Бул тууралуу казак ЖМКлары маалымдайт.

Алмата соту бүгүн кыргыз-казак чек арасындагы аткезчилик иши боюнча өкүм чыгарды.

Дамирбек Асылбек уулу ага коюлган айыптар боюнча «экономикалык аткезчилик» жана «трансулуттук уюшкан топко» тиешеси бар деп табылып, 10 жылга эркинен ажыратылды. Андан тышкары Кыргызстандын жарандары Уланбек Мурадилов 10 жылга жана Чыңгыз Абакиров 8 жылга эркинен ажыратылды. 

Дамирбек Асылбек уулу 10 жылдан кийин, Казакстандан чыгарылып, ага беш жылга кайра кирүүгө тыюу салынды.

Парламенттин экс-депутаты 2018-жылдын февраль айынан бери камоодо. Анын Казакстандын жараны экени аныкталгандан кийин депутаттык мандаты алынган.

Декабрда экс-депутат казак жарандыгынан да ажыратылган. Асылбек уулу өзү сот башталган күнү Кыргызстандын жараны экенин айтып, аны Кыргызстанда соттоону өтүнгөн.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18