USD87.45EUR96.10RUB1.06
24.kg

Казакстан: Кыргызстандын ветеринардык системасы ЕАЭБ нормасына жооп берет

16:12, 23 апреля 2019, Бишкек - 24.kg

Казакстан Кыргызстандын ветеринардык системасына текшерүү жүргүзүп, анын жыйынтыгын ЕАЭБдин эквиваленттүү нормасы боюнча тааныды. Бул маалыматты 24.kg агенттигине Экономика министри Олег Панкратов тастыктады.

Анын айтымында, ЕАЭБдин чечими бар, анда 2 пункт камтылган. Биринчиси- Кыргызстандын ветеринардык системасын бирикменин тиешелүү нормалары боюнча таануу, экинчиси- Казакстандын Бүткүл дүйнөлүк соода уюмуна (ВТО) кирүүдө товарларды жүгүртүүдө көзөмөл кылуу боюнча казакстандын системасын таануу. Чечимге Орусиядан башка өлкөлөр кол коюшту.

«Орусия азырынча Казакстандын товарларын көзөмөлдөө системасын таануудан баш тартты. Учурда тараптар маселени талкуулап жатышат. Бирок, биз Казакстандын системасын тааныдык, алар болсо биздин ветеринардык системаны таануу тууралуу чечимге кол коюшту. Орусия чечимге кол коеру менен ал күчүнө кирет», -деди министр.

Кыргызстандын ветеринардык системасын ЕАЭБдин эквиваленттүү нормасы боюнча таануу тууралуу маселе 2015-жылдан бери чечилбей келген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18