USD87.45EUR96.10RUB1.06
24.kg

Ысык-Көлдө өспүрүм баланын сөөгү табылды

14:05, 11 апреля 2019, Бишкек - 24.kg

Ак-Суу районунун Ак-Булак айылында 16 жаштагы өспүрүмдүн сөөгү табылды. Бул тууралуу «Азаттык» Ысык-Көл облустук милициянын басма сөз катчысы Сталбек Усубакуновго таянып кабарлайт. 

Маалыматка караганда, 9-апрель күнү Ак-Булак айылынын 16 жаштагы тургуну саат 13:00дө үйүнөн чыгып кеткен боюнча кайтып барган эмес. Ата-энеси милицияга бүгүн, 10-апрелде кайрылган. Өспүрүм эртеси мектепке да келбегени аныкталган.

Издөө иштеринин натыйжасында өспүрүмдүн сөөгү 10-апрелде, түш ченде суунун жанынан табылды. Алгачкы текшерүүлөр боюнча, баланын денесинде тактар жок. Ал тоңуп каза болгону болжолдонууда.

Бул факты Кылмыштар менен жоруктардын бирдиктүү реестрине катталып, соттук-медициналык экспертиза дайындалды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18