USD87.45EUR96.10RUB1.06
24.kg

Александр Кимге карата кылмыш иши токтотулду

11:50, 08 апреля 2019, Бишкек - 24.kg

Свердлов райондук сотунда «Вечерний Бишкек» Басма үйү" ЖАКтын мурунку кожоюну Александр Кимге карата кылмыш ишин кароо аяктады.

Соттук отурумдун жүрүшүндө соттолуучунун жактоочулары кылмыш ишин токтотуу тууралуу өтүнүч билдиришкен. Жыйын бөлмөсүнөн чыккан судья Инара Гилязетдинова жактоочулардын өтүнүчүн канааттандырды. Александр Кимге карата кылмыш иши токтотулду. 

Эске салсак, былтыр 20-февралда Свердлов райондук соту «кызматынан кыянат пайдаланган» деген айыптын негизинде Александр Кимди алты жылга шарттуу кесип, «Вечерний Бишкектин» азыркы кожоюну Александр Рюбушкинге 27 миллион доо төлөөгө милдеттендирген.

Александр Ким бул иштин саясий өңүтү бар экенин билдирип, жаңы ачылган жагдайларга байланыштуу аны кайра карап чыгууну суранган.

 

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18