USD87.45EUR96.10RUB1.06
24.kg

Кайрат Осмоналиев: Альтернативдүү КСДП өзүнүн аталышын өзгөртүшү керек

10:07, 04 апреля 2019, Бишкек - 24.kg

Альтернативдүү КСДП өзүнүн аталышын өзгөртүшү керек. Бул тууралуу 24.kg агенттигине БШКнын мүчөсү Кайрат Осмоналиев билдирди.

Анын айтымында, Кыргызстанда ысымдары окшош эки бирдей саясий уюм болушу мүмкүн эмес.

«Мындан улам, партия качан Адилет министрлигинин каттоосунан өтүп жатканда, КСДП аббревиатурасына же сан же тамга кошушу керек», -деди Кайрат Осмоналиев. Ал кошумчалагандай, аталган партия 2020-жылдагы шайлоого катыша алат, анткени мыйзам боюнча эч кандай тоскоолдуктар жок.

Бирок, 3-апрелде өткөн альтернативдик съездде саясий уюмдун лидери болуп шайланган Сагынбек Абдырахманов атын өзгөртпөй тургандыгын билдирди. Айтымында, ал жетектеген партия мыйзамдуу жана чыныгы партия.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18