USD87.45EUR96.10RUB1.06
24.kg

Стамбулдагы «Ататүрк» аэропорту жабылат

08:32, 04 апреля 2019, Бишкек - 24.kg

Түркиянын Транспорт министрлиги расмий сайтында 5-апрелде Стамбул шаарындагы эл аралык «Ататүрк» аэропорту жаңы «Стамбул» аэропортуна көчөрүн кабарлады. Маалыматта 5-апрелдин түнүнөн баштап «Ататүрк» аэропорту каттамдарды кабыл албай тургандыгы кабарланган. Каттамдарды 45 сааттан кийин жаңы «Стамбул» аэропорту кабыл ала баштайт.

Ал арада Стамбул шаарына келген авиакаттамдар толугу менен шаардагы «Сабиха Гөкчен» аэропортуна жөнөтүлөт.

Түркиянын Маалымат министрлиги авиакомпанияларды бул күнү Стамбулга багытталган каттамдар тууралуу жүргүнчүлөргө маалымат берүүгө милдеттендирди.

Стамбул шаарындагы «Ататүрк» аэропорту 1989-жылы курулуп, эл аралык жана жергиликтүү каттамдарды кабыл алган. Аэропорттон жылына орточо 63 миллионго жакын жүргүнчү өтүп келди. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18