USD87.45EUR96.10RUB1.06
24.kg

Өзбек президенти кошоматчылыкты токтотууну буйруду

14:37, 01 апреля 2019, Бишкек - 24.kg

Өзбекстандын президенти Шавкат Мирзиёев аткаминерлерди дүркүрөтө кол чаап, ыгы жок кооз сөздөрдү айтууну токтотуп, ар бир адам менен даректүү иштөөгө чакырды. Бул тууралуу ал 29-мартта Бухара облусуна болгон сапары маалында айтты.

Өз сөзүндө мамлекет башчы аткаминерлердин бардык иштери менен пландары элдин кызыкчылыгында болушу керектигин белгиледи.

«Кол чаап, ыгы жок кооз сөздөрдү айтууну токтотуп, ар бир үй, ар бир адам менен даректүү иштөө керек. Мунун жыйынтыгы ар бир көчөдө, ар бир жарандын жашоосунда сезилиши керек», — деди Мирзиёев.

Өзбекстанда аткаминерлер Шавкат Мирзиёевдин дээрлик ар бир сөзүн дүркүрөгөн кол чабуулар менен коштоп турушат. Маркум президент Ислам Каримовдун тушунда дагы ушундай эле көрүнүш болгон.
Мирзиёев буга чейинки билдирүүлөрүндө дагы аткаминерлерди ыгы жок кооз сөздөрдү айтууну токтотуп, иш жүзүндө аракет кылууга чакырган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18