USD87.45EUR96.10RUB1.06
24.kg

Сооронбай Жээнбеков Казакстандын президенти Касым-Жомарт Токаевди куттуктады

14:28, 20 марта 2019, Бишкек - 24.kg

Президент Сооронбай Жээнбеков бүгүн Касым-Жомарт Токаевди Казакстан Республикасынын президентинин кызматына киришкени менен куттуктады. Бул тууралуу президенттин басма сөз кызматы билдирди.

«Кыргыз Республикасы менен Казакстан Республикасынын ортосундагы стратегиялык өнөктөштүк, достук, союздаштык жана ынак коңшулук мамилелер биздин биргелешкен күч-аракеттерибиз менен элдерибиздин байгерчилиги жана өнүгүүсү үчүн мындан ары да бекемделе берет деп терең ишенем. Учурдан пайдаланып, урматтуу Касым-Жомарт Кемелевич, Сизге бекем ден соолук, бакубатчылык жана Сиздин мамлекеттик ишмердүүлүгүңүзгө ийгиликтерди, ал эми боордош Казакстан элине тынчтыкты жана гүлдөп-өсүүнү каалайм», — деп айтылат президенттин куттуктоосунда.

Эске салсак, кечээ Нурсултан Назарбаев президенттиктен кеткендиги туралуу маалымат тараткан.

Касым-Жомарт Токаев буга чейин Казакстандын Сенат парламентинин спикери болуп иштеп келген. Ал 1953-жылы 17-майда Алмата шаарында туулган. Москва мамлекеттик эл аралык мамилелер институтун аяктаган. 1975-жылы СССРдин Тышкы иштер министрлигинде кызматкер катары ишке киришкен. СССРдин Сингапурдагы элчилигинде иштеген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18