USD87.45EUR96.10RUB1.06
24.kg

Караколдо мас абалындагы эки аял бир аялды таш менен сабап өлтүрүшкөн

10:37, 19 марта 2019, Бишкек - 24.kg

Ысык-Көл облусундагы Каракол шаарында алкоголдук ичимдик ичип отурган 3 аял уруша кетип, алардын бири киши колдуу болуп каза тапты. Бул тууралуу Ысык-Көл ОИИБнын басма сөз кызматы билдирди.

Маалыматка караганда, 15-мартта Каракол ШИИБинин нөөмөт бөлүмүнө аялдын сөөгү табылганы тууралуу маалымат келип түшкөн. Ыкчам топ окуя болгон жерге барып, каза болгон аял Пристань-Пржевальск аймагынын 31 жаштагы тургуну экенин аныкташты. Каза болгон аялдын туруктуу жашаган жери жана иштеген иши жок болгону айтылууда.

Аталган кылмышка шектүү катары 2 аял кармалды. Алардын бири буга чейин соттолгону белгилүү болду. Маалыматка таянсак, 3 аялдын ортосунда уруш чыгып, шектүүлөр бирөөнү таш менен сабашкан.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18