USD87.45EUR96.10RUB1.06
24.kg

Якутиядагы кыргыздар каршы рейддер боюнча расмий маалымат жок

16:17, 18 марта 2019, Бишкек - 24.kg

Якутиядагы кыргыздар каршы рейддер боюнча расмий маалымат жок. Бул тууралуу Кыргызстандын Россиядагы элчилигинен билдиришти.

Алардын маалыматында, элчиликтин, миграциялык кызматтын өкүлдөрү бүгүн Якутияга барып, кырдаал менен жеринен таанышмакчы.

«Азырынча бизде расмий маалымат жок. Диаспоранын маалыматында, мигранттарга эскертүү берилди. Ал эми зордуктоого кыргыз жараны катышкандыгы боюнча дагы тактоо жүрүп жатат», — дейт элчилик.

Кечээ Якутияда мигранттарга каршы митинг өттү. Ага уурдалып, кийин зордукталган аял тууралуу маалымат себеп болду. Митингге 200 дөй адам катышып, алар зордуктоого катышкан мигранттарды жазалоону талап кылышкан.

Айрым маалыматтарга караганда зордуктоого кыргыз жараны да катышкан. Социалдык тармакта шаурма саткан кыргыз жигиттерге болгон коркутуу жана кыргызстандыктарга каршы үч күндөн бери жүрүп жаткан рейддер боюнча жазылууда. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18