USD87.45EUR96.10RUB1.06
24.kg

Нооруз майрамына карата Бишкек жана Ош шаарларында ат оюндары өткөрүлөт

16:20, 15 марта 2019, Бишкек - 24.kg

Нооруз майрамына карата Бишкек жана Ош шаарларында ат оюндары өткөрүлөт. Бул тууралуу Жаштар иштери, дене тарбия жана спорт боюнча мамлекеттик агенттиктен билдиришти.

Маалыматка ылайык, Көк бөрү оюну боюнча тандоо бүгүнтөн тарта башталат. Бишкекте Жогорку лигада 6 команда ойнойт. Ал эми Биринчи лигада беттеше турган командалардын саны азырынча белгисиз.

Ошто Жалал-Абад, Баткен жана Ош облустарынан чогулган улакчылар беттешмекчи.

«21-март күнү эки шаарда тең көк бөрүнүн финалдык оюну, ошондой эле эр эңиш менен ат чабыш өтөт. Ат оюндарынын байге фондусу Бишкекте 1 миллион 450 миң сом, ал эми Ошто 400 миң сомду түзөт», -деп билдиришти агенттиктен.


БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18