USD87.45EUR96.10RUB1.06
24.kg

Коопсуз шаар. Долбоордун 2-фазасынын алкагында жаңы жол кесилиштери даяр болду

16:40, 12 марта 2019, Бишкек - 24.kg

«Коопсуз шаар» долбоорунун экинчи фазасынын алкагында борбордук муниципалитеттин камера коюла турган 9 жол кесилиштеринде жана 2 темир жолунун кесилиши (путепровод) жолдордун инфратүзүмүн иретке келтирүү иштери аяктады. Бул тууралуу мэриядан билдиришти.

Маалым болгондой, оңдоо иштеринин 97 пайызы аяктады.

«Эртеңки күнгө чейин жолдордун инфратүзүмү толук даяр болот. Учурда кесилиштерде кошумча жол белгилери жана жол чырак объектилериндеги орнотулду», -деп жазылат маалыматта.

Эске сала кетсек, Бишкек шаарынын мэриясы экинчи фаза алкагында төмөнкү жол кесилиштерди ГОСТ стандарттарына ылйыкташтарат.

— Ж. Бөкөнбаев көчөсү менен Манас проспектисинин кесилиши;
— Чүй — Манас проспектилеринин кесилиши;
— Чүй проспекти менен Павлов көчөсүнүн кесилиши;
— Жибек Жолу — Манас проспектилеринин кесилиши;
— Махатма Ганди — А.Боталиев көчөлөрөнүн кесилиши;
— Жибек Жолу — Курмажан Датка проспектилеринин кесилиши;
— И. Ахунбаев — Байтик Баатыр көчөлөрөнүн кесилиши;
— Чүй проспекти менен Ж. Абдрахманов көчөсүнүн кесилиши;
— Байтик Баатыр — М. Горький көчөлөрөнүн кесилиши;
Кесилиштерге орнотулган камералар күнү-түнү иштейт.
Долбоордун аткаруучусу «Вега радиокуруу концерни» акционердик коому.

Системаны акырындап ишке киргизүү үчүн долбоорду 4 этап менен жүзөгө ашыруу пландаштырылган. Эскерте кетскек, биринчи фазанын алкагында 10 жол кесилишинде жана 2 темир жолунун кесилиштеринде (путепровод) камералар орнотулуп, учурда иштеп жатышат.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18