USD87.45EUR96.10RUB1.06
24.kg

Түркиянын Стамбул шаарынан 437 чет өлкөлүк депортацияланат

14:14, 11 марта 2019, Бишкек - 24.kg

Түркиянын Стамбул шаарынан 437 чет өлкөлүк депортацияланат. Бул тууралуу «Азаттык» шаардык полиция кызматынын сайтына шилтеме берип жазды. Арасында кыргызстандыктардын бар же жогу тууралуу расмий кабар айтыла элек.

Полиция 9-мартта шаардын чет элдиктер жыш жашаган Фатих районунда рейд жүргүзүп, 818 кишинин документтери текшерилген. 437 адам туруктуу каттоодон өтпөгөнү жана визасыз жүргөнү аныкталган. Полиция кызматы аларды өлкөлөрүнө депортациялоо үчүн Миграция департаменти менен иш алып барууда.

Расмий эсеп боюнча Түркияда 25 миңден ашык кыргызстандык бар. Алардын жети жарым миңдейи гана эмгек визасы менен иштешет. Көбү бир жылдык туристтик виза менен жүрүшөт. Алар негизинен Стамбул, Анкара, Измир, Анталия сыяктуу ири шаарларда жашашат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18