USD87.45EUR96.10RUB1.06
24.kg

Өлкөдө алимент төлөбөй жүргөндөрдүн сүрөтүн интернетке жарыялоо сунушталууда

16:54, 20 февраля 2019, Бишкек - 24.kg

Жогорку Кеңеш «Сот аткаруучулардын макамы жөнүндөгү» мыйзамга жана Үй-бүлөлүк кодекске өзгөртүүлөрдү киргизүү тууралуу мыйзам долбоорун карайт. Документтин автору — депутат Максат Сабиров.

Мыйзам долбоорунда алимент төлөбөй качып жүргөндөрдүн аты-жөнүн, сүрөтүн интернетте атайын түзүлгөн электрондук маалымат базасына киргизүү, айдоочулук күбөлүгүн алуу жана чет өлкөлөргө чыгуусуна тыюу салуу сунушталган.

Депутаттын айтымында, учурда алимент төлөбөгөндөр бир аз гана айыппул төлөшөт.

«Эгер 70% алимент төлөбөсө, кылмыш иши козголот. Биз айдоочулук күбөлүктөрүн алып, аңчылык кылууга уруксат бербөөнү сунуштап жатабыз. Мындан тышкары алардын аты-жөнүн, сүрөттөрүн интернетке чыгаруу керек», — деди Сабиров.

Сот департаментинин маалыматына караганда, өлкөдө алимент төлөбөй жүргөн жарандардын саны 40 миңден ашык.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18