USD87.45EUR96.10RUB1.06
24.kg

Аскар Акаев Улуттук илимдер академиясынын академиктер тизмесинен чыгарылган жок

15:01, 20 февраля 2019, Бишкек - 24.kg

Аскар Акаев Улуттук илимдер академиясынын академиктер тизмесинен чыгарылган жок. Бул тууралуу «Азаттык» билдирет.

Илимдер академиясынын маалыматында, Аскар Акаев жылдык жыйынга катышуучу мүчөлөрдүн курамынан чыгарылды. Ал дагы эле академиянын мүчөсү.

Белгилей кетсек, буга чейин «Акипресс» маалымат агенттиги «Кыргызстандын туңгуч президенти Аскар Акаев Улуттук илимдер академиясынын башкаруучу кеңешинин тизмесинен чыгарылды» деген маалымат тараткан.

Жалпысынан Улуттук илимдер академиясында 34 академик жана 40 мүчө-корреспондент бар. Жобого ылайык алардын баары академиянын жылдык жалпы жыйынына катышууга милдеттүү. Бирок ага катышууга болгону 28 академик каттоодон өткөн. Калгандары алыс жашагандыгына байланыштуу келе алган жок.

Аскар Акаев 2005-жылдан бери Москва шаарында жашайт. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18