USD87.45EUR96.10RUB1.06
24.kg

Коопсуз шаар. Айыпты эки аптада төлөсөңүз 50 пайыз арзандайт

17:29, 18 февраля 2019, Бишкек - 24.kg

Жол эрежесин бузган айдоочулар айып пулун эки жумада төлөсө 50 пайызы кемитилет. Бул тууралуу журналисттерге премьер-министр Мухаммедкалый Абылгазиев билдирди.

Айыпты банк жана «Кыргыз почтасы» аркылуу төлөнөт.

«Жол эрежесин бузууларды «Вега» компаниясынын жабдуулары аныктап, аны «Инфоком» мамлекеттик ишканасына жөнөтөт. Ал жактан мониторинг борборуна келип түшөт. Инспекторлор басып чыгарып, кол коюп, почта аркылуу ууна ээсине жөнөтөт», — деп түшүндүрдү өкмөт башчы.

Белгилей кетсек, «Коопсуз шаар» долбоору 12-февралда ишке кирди. Биринчи күн эле 10 миңге жакын жол эрежесин бузуу катталды. Азырынча камералар шаардын айрым көчөлөрүндө гана иштеп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18