USD87.45EUR96.10RUB1.06
24.kg

Шайлообек Нарбеков мурда соттолгон деген маалыматты четке какты

15:16, 31 января 2019, Бишкек - 24.kg

Социалдык тармактарда премьер-министр Мухаммедкалый Абылгазиев Экологиялык жана техникалык коопсуздук боюнча мамлекеттик инспекциясынын директорунун орун басары кызматына мурда соттолгон, классташы Шайлообек Нарбековди үстүбүздөгү жылдын 25-январында дайындагандыгы тууралуу маалыматтар тараган. Аталган инспекциянын басма сөз кызматы буга жооп жазды.

«Биринчиден Мухаммедкалый Абылгазиев Шайлообек Нарбековдин классташы эмес экендигин, Өкмөт башчы 1968-жылкы болсо, өзү 1965-жылы туулгандыгын билдирет жана мектепти Талас облусунда окугандыгын тастыктайт.

Ошондой эле Шайлообек Нарбеков өзүнүн мурда соттолгондугу тууралуу маалыматты четке кагууда. Анын айтымында, бул окуя 2013-жылы Каржы полициясынын коопсуздук кызматын жетектеп турган мезгилде орун алган. Бирок кылмыш иши козголгондугу менен Бишкек шаарынын Биринчи май райондук сотунун, Бишкек шаардык сотунун, жана Кыргыз Республикасынын Жогорку сотунун чечими аркылуу акталган. Ошондой эле ага мамлекет тараптан тийиштүү компенсация төлөнүп берилген. Мындан соң Шайлообек Нарбеков аталган кызматка кайтып келип, 1 жылдан ашуун коопсуздук кызматынын башчысы болуп иштеп, жашы жеткендигине байланыштуу башка кызматка которулуп кеткен», -деп жазылат маалыматта.

Мындан тышкары, Шайлообек Нарбеков анын адамдык абийирине шек келтиргендерди сотко берүүгө даяр экендигин билдирет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18